ഇരുട്ടിന്റെ നിറം കറുപ്പ്
അപ്പോൾ
വെളിച്ചത്തിന്റെ നിറം
വെളുപ്പ്
കറുപ്പും വെളുപ്പും തമ്മിൽ
യുദ്ധമാണ്
ഒരിക്കലും തീരാത്ത
യുദ്ധം
കറുപ്പ് പീഢിതന്റെയാണ്
വെളുപ്പ് വേട്ടക്കാരന്റെയും
ഇരുട്ട് ഇരയുടേതും
വെളിച്ചം ക്രൂരന്റെതുമെന്ന്
ഭാഗം വെച്ച സമവാക്യം.
ഭ്രാന്തിന്നും നിറം വേണം
കറുപ്പ് തന്നെയാവട്ടെ
ചതിക്കപ്പെട്ടവനും
ചൂഷണം ചെയ്യപ്പെട്ടവനും
കറുത്ത് തന്നെ ഇരിക്കട്ടെ
വെളുപ്പ് ചിരിക്കണം
ചെകുത്താന്റെ ചിരി.
വെളുത്ത പല്ലുകൾ കാട്ടി
വെളുക്കെ ചിരിക്കട്ടെ.
അപ്പോൾ ചെകുത്താനെങ്ങനെ
കറുപ്പ് നിറം കിട്ടി.
വെളുപ്പ് വരച്ച ചിത്രമാവും
ഞാൻ കണ്ടത്.
SrEe
No comments:
Post a Comment